Ottawa

Ottawa
Kaart	Wapen
	Vlag
Land	Kanada
Provinsie	Ontario
Koördinate	45°25′N 75°42′W / 45.417°N 75.700°W / 45.417; -75.700
Stigting	1826 (Bytown)
Inkorporasie	1855 (Ottawa)
Oppervlakte:
- Totaal	2 790,31 vk km
Hoogte bo seevlak	70 m
Bevolking:
- Totaal (2021)	1 017 449
- Bevolkingsdigtheid	365/vk km
- Metropolitaanse gebied	1 488 307
Tydsone	UTC -5 (EST)
- Somertyd	UTC -4 (EDT)
Burgemeester	Mark Sutcliffe
Amptelike webwerf	www.ottawa.ca

Ottawa (Kanadese Engels: [ˈɒtəwə], luister (hulp·inligting); Kanadese Frans: [ɔtawɑ]) is in 1857 aangewys as die federale hoofstad van Kanada. Die stad is die vierde grootste in die land en lê in die Ottawavallei, aan die oewer van die Ottawarivier of Rivière des Outaouais, wat hier die grenslyn tussen die provinsies Ontario en Quebec vorm. In teenstelling met die hoofstede van lande soos die Verenigde State en Australië bestaan daar geen nasionale hoofstaddistrik nie; Ottawa is 'n munisipaliteit van die provinsie Ontario.

Ottawa het in 2021 'n bevolking van 1 017 449 en die metropolitaanse gebied het 1 488 307 inwoners (2021). Sowat 'n derde van die inwoners in die stad en die helfte van die metropolitaanse bevolking is Franssprekend, en Ottawa is – naas Montreal – een van min groot Kanadese stede wat as funksioneel tweetalig beskou kan word.

Bekende besienswaardighede is sy katedrale en parlementsgeboue op die Colline parlementaire (Parlementsheuwel). Belangrike nywerhede sluit waterkragopwekking, saagmeulens, papier, meel, leer, vuurhoutjies, masjiene en yster in.